മുംബൈ: ഓറഞ്ച് ഇറക്കുമതിയുടെ മറവില് രാജ്യത്തേക്ക് 1470 കോടി രൂപയുടെ ലഹരി മരുന്ന് ഇറക്കുമതി ചെയ്ത സംഭവത്തില് മലയാളി അറസ്റ്റില്. സെപ്റ്റംബര് 30ന് ഓറഞ്ചിനൊപ്പം 1470 കോടി രൂപയുടെ ലഹരി മരുന്നുമായി ട്രക്ക് പിടികൂടുകയായിരുന്നു. 198 കിലോ മെത്തും 9 കിലോ കൊക്കെയ്നുമാണ് പിടികൂടിയത്.ഇറക്കുമതി ചെയ്ത ഓറഞ്ചുകള് എന്നായിരുന്നു രേഖകളില് കാണിച്ചിരുന്നത്.
വിജിന് വര്ഗീസ് എന്നയാളാണ് ഡിആര്ഐയുടെ പിടിയിലായത്. വിജിന് ഉടമയായ കമ്പനിയുടെ പേരിലാണ് ഇതെത്തിയത്. വിജിന്റെ കൂട്ടാളി മന്സൂര് തച്ചാംപറമ്പിനായി ഡിആര്ഐ തെരച്ചില് നടത്തുകയാണ്. മോര് ഫ്രഷ് എക്സ്പോര്ട്ട് ഉടമയാണ് മന്സൂര് തച്ചാംപറമ്പ്. ലഹരിക്കടത്തില് 70 ശതമാനം ലാഭം വിജിനും 30 ശതമാനം മന്സൂറിനുമെന്ന തരത്തിലാണ് ഡീലെന്ന് ഡിആര്ഐ വ്യക്തമാക്കി. മാസ്ക് ഇറക്കുമതിയും സ്ഥാപനം നടത്തിയിരുന്നു. വിജിൻ്റെ കാലടിയിലെ ഓഫീസിൽ എക്സൈസ് പരിശോധന തുടരുകയാണ്.