കോട്ടയം: ഏറ്റുമാനൂർ അടിച്ചിറയിൽ നിയന്ത്രണം വിട്ട ബൈക്ക് മതിലിൽ ഇടിച്ച് യുവാവിന് ദാരുണാന്ത്യം. ചൊവ്വാഴ്ച പുലർച്ചെ രണ്ടു മണിയോടെ നടന്ന അപകടത്തിൽ തെള്ളകം ഡെക്കാത്തലൺ ജീവനക്കാരൻ തിരുവല്ല കുമ്പനാട് വെള്ളിക്കര അശോക നിവാസിൽ ഭരത് (24) ആണ് മരിച്ചത്.എം.സി റോഡിൽ കോട്ടയം ഭാഗത്തുനിന്ന് ഏറ്റുമാനൂരിലേക്കു വരികയായിരുന്ന ബൈക്ക് നിയന്ത്രണം വിട്ട് മതിലിൽ ഇടിച്ചു കയറുകയായിരുന്നു. പരുക്കേറ്റ് റോഡിൽ കിടന്ന ഭരതിനെ ഏറ്റുമാനൂർ പൊലീസ് സ്ഥലത്തെത്തിയാണ് മെഡിക്കൽ കോളജ് ആശുപത്രിയിൽ എത്തിച്ചത്. അപ്പോഴേക്കും മരണം സംഭവിച്ചിരുന്നു.
