എറണാകുളം ശിവകുമാറിന്റെ ശിരസ്സിലേറി പാറമേക്കാവ് ഭഗവതിയും എഴുന്നള്ളി. വടക്കും നാഥനെ കണ്ട് വണങ്ങി പടിഞ്ഞാറെ നടയിലൂടെയാണ് ചന്ദ്രശേഖരന് ശ്രീമൂല സ്ഥാനത്തെത്തിയത്.
ഇതേസമയം നടുവിലാല് ഗണപതിയെ വലംവച്ച് ശിവകുമാറും ശ്രീമൂലസ്ഥാനത്തെത്തി. ഇതോടെ ഇരു ആനകളും തുമ്ബിക്കൈ ഉയര്ത്തി പരസ്പരം ഉപചാരം ചൊല്ലി.
8 മണിക്കാണ് എഴുന്നള്ളിപ്പ് തുടങ്ങിയത്. പാറമേക്കാവ് വിഭാഗത്തിന്റെ എഴുന്നള്ളിപ്പ് മണികണ്ഠനാല് ഭാഗത്തു നിന്ന് തുടങ്ങി. 15 ആനകളാണ് നിരന്നത്.
കിഴക്കൂട്ട് അനിയന്മാരാരുടെ നേതൃത്വത്തിലുള്ള മേളാരവും ഒപ്പം കുടമാറ്റവും നടന്നു. ഇന്നലെ നടന്ന കുടമാറ്റത്തിന്റെ ചെറിയ രൂപമായിരുന്നു ഇന്ന് നടന്നത്.
നായ്ക്കനാല് ഭാഗത്തുനിന്ന് തിരുവമ്ബാടി വിഭാഗത്തിന്റെ എഴുന്നള്ളിപ്പും തുടങ്ങി. 14 ആനകള് അണി നിരന്നു. ചേരാനെല്ലൂര് ശങ്കരന്കുട്ടി മാരാരുടെ നേതൃത്വത്തില് മേളം നടന്നു.
ഇരുഭാഗത്തും അതിമനോഹര മേളവും കുടമാറ്റവും നടന്നു. ഉപചാരം ചൊല്ലി പിരിഞ്ഞ ശേഷം പകല് വെടിക്കെട്ടോടെ ഇക്കൊല്ലത്തെ പൂരം അവസാനിച്ചു. അതിന് ശേഷം പൂരക്കഞ്ഞിയും കുടിച്ചാണ് ദേശക്കാരെല്ലാം തേക്കിന്കാട് മൈതാനിയില് നിന്ന് പിരിഞ്ഞുപോയത്.
2024 ഏപ്രില് 19നാണ് അടുത്ത വര്ഷത്തെ തൃശൂര് പൂരം നടക്കുക.
