കർണാടക നിയമസഭയുടെ തൊട്ടടുത്തുള്ള കെ ആര് സര്ക്കിളിലെ അടിപ്പാതയിലാണു ഭാനു എന്ന 22കാരിയായ ഇൻഫോസിസ് ജീവനക്കാരിയും, കുടുംബവും സഞ്ചരിച്ച കാറ് മുങ്ങിപ്പോയത്.
ആന്ധ്രപ്രദേശ് സ്വദേശിയാണ് ഇന്ഫോസിസ് ജീവനക്കാരി ഭാനു രേഖ.
കുടുംബാംഗങ്ങളായ അഞ്ച് പേരെ രക്ഷപെടുത്താൻ കഴിഞ്ഞു.
വെള്ളത്തിൽ മുങ്ങിയ ഭാനുവിനെ രക്ഷിക്കാൻ ശ്രമിക്കുന്ന ദുരന്ത നിവാരണ സേനയുടെ ദൃശ്യങ്ങളടക്കം പുറത്തുവന്നിട്ടുണ്ട്.
മരിച്ച യുവതിയുടെ കുടുംബാംഗങ്ങളെ കാണാൻ കർണാടക മുഖ്യമന്ത്രി സിദ്ധരാമയ്യ ആശുപത്രിയിലെത്തി.
ഭാനുരേഖയുടെ കുടുംബത്തിന് അഞ്ച് ലക്ഷം രൂപയും മറ്റ് കുടുംബാംഗങ്ങൾക്ക് സൗജന്യ ചികിത്സയും മുഖ്യമന്ത്രി പ്രഖ്യാപിച്ചു.
അതേസമയം ബെംഗളൂരുവിൽ കനത്ത മഴയും ഇടിമിന്നലും തുടരുകയാണ്.
നഗരത്തിന്റെ പല ഭാഗങ്ങളും വെള്ളത്തിനടിയിലാണ്.