വിദ്യാർത്ഥികളോട് സ്വകാര്യ ബസ് ജീവനക്കാർ മോശമായി പെരുമാറരുതെന്ന് മന്ത്രി വി ശിവൻകുട്ടി. ബസ് കണ്സഷൻ സ്വകാര്യ ബസ്സുകളുടെ ഔദാര്യമല്ല. കുട്ടികളെ രണ്ടാം തരം പൗരൻമാരായി കാണരുതെന്നും വിദ്യാർത്ഥികളോട് മോശമായി പെരുമാറിയാല് കർശന നടപടികള് ഉണ്ടാകുമെന്നും മന്ത്രി പറഞ്ഞു.
കുട്ടികള് ആവശ്യപ്പെട്ട സ്ഥലത്ത് ബസ് നിർത്തണമെന്നും കുട്ടികളെ സീറ്റില് നിന്നും എഴുന്നേല്പ്പിക്കരുതെന്നും മന്ത്രി നിർദേശിച്ചു. കുട്ടികള്ക്കുള്ള കണ്സഷൻ ഒരു കാരണവശാലും ഒഴിവാക്കാൻ കഴിയില്ലെന്ന് മന്ത്രി വ്യക്തമാക്കി. അനുകമ്പയുടെ പുറത്താണ് കുട്ടികളെ കൊണ്ടുപോകുന്നതെന്ന നിലപാട് ബസ് ജീവനക്കാർ എടുക്കാൻ പാടില്ലെന്ന് മന്ത്രി പറഞ്ഞു.
