ക്ഷേമപെൻഷൻ കുടിശിക ഇന്ന് മുതൽ വിതരണം ചെയ്യും. പെൻഷൻ തുക അനുവദിച്ച് ധനവകുപ്പ് ഇന്നലെ ഉത്തരവിറക്കിയിരുന്നു. രണ്ടു മാസത്തെ കുടിശികയിൽ ഡിസംബറിലെ പെൻഷനാണ് നൽകുന്നത്. ഇന്ന് മുതൽ പെൻഷൻ സഹകരണ ബാങ്കുകളിലെ അക്കൗണ്ടുകളിൽ എത്തിത്തുടങ്ങും. സഹകരണ ബാങ്കുകളുടെ കൺസോർഷ്യത്തിൽ നിന്ന് വായ്പയെടുത്താണ് പെൻഷൻ തുക നൽകുന്നത്. 2000 കോടി സമാഹരിക്കാൻ ലക്ഷ്യമിട്ടുവെങ്കിലും 1300 കോടി രൂപ മാത്രമാണ് ഇതുവരെ സമാഹരിക്കാൻ കഴിഞ്ഞത്. 900 കോടിയാണ് ഒരു മാസം ക്ഷേമപെൻഷൻ നൽകാൻ വേണ്ടത്. രണ്ടു മാസത്തെ കുടിശിക നൽകാനായി ഇനിയും 500 കോടി കൂടി വേണം. ഈ സാഹചര്യത്തിലാണ് ഒരു മാസത്തെ പെൻഷൻ അനുവദിക്കാൻ തീരുമാനിച്ചത്.
