കൊച്ചി: നവീനവും വൈവിധ്യവുമായ പദ്ധതികള് നടപ്പിലാക്കുന്നതിന്റെ ഭാഗമായി കെഎസ്ആര്ടിസി ബസുകളിലൂടെ ചരക്ക് നീക്കം സാധ്യമാക്കുന്ന സംവിധാനം യാഥാര്ത്ഥ്യമാകുന്നു. കെഎസ്ആര്ടിസി കൊറിയര് ആന്ഡ് ലോജിസ്റ്റിക്സ് സംവിധാനത്തിന്റെ ഉദ്ഘാടനം ഇന്ന് രാവിലെ 11ന് തിരുവനന്തപുരം സെന്ട്രല് ഡിപ്പോയില് ഗതാഗത മന്ത്രി ആന്റണി രാജു നിര്വഹിക്കും. 16 മണിക്കൂറിനുള്ളില് കേരളത്തിൽ എവിടെയും കൊറിയര്/പാഴ്സല് കൈമാറുക എന്നതാണ് പദ്ധതിയുടെ ലക്ഷ്യം.
മേയര് ആര്യ രാജേന്ദ്രന് അദ്ധ്യക്ഷത വഹിക്കും. ഗതാഗത വകുപ്പ് സെക്രട്ടറി ബിജു പ്രഭാകര്, കെഎസ്ആര്ടിസി ജോയിന്റ് എംഡി പ്രമോജ് ശങ്കര്, കൗണ്സിലര്മാര് എന്നിവര് പങ്കെടുക്കും.