ചോറ്റാനിക്കര എരുവേലി പാലസ് സ്ക്വയറിന് സമീപം ഇരുപതുവര്ഷത്തോളമായി ആള്ത്താമസമില്ലാത്ത വീട്ടിലെ ഫ്രിഡ്ജിനുള്ളില് കവറുകളില് പാക്ക് ചെയ്ത നിലയിലാണ് അസ്ഥികളും തലയോട്ടിയും കണ്ടെത്തിയത്.
കൊച്ചിയില് സ്ഥിരതാമസമാക്കിയ ഡോക്ടറിന്റേതാണ് വീട്.
അടഞ്ഞുകിടക്കുന്ന വീട്ടില് സാമൂഹികവിരുദ്ധരുടെ ശല്യമുള്ളതായി നാട്ടുകാര് പരാതിപ്പെട്ടിരുന്നു. ഇതേത്തുടര്ന്ന് പഞ്ചായത്ത് മെമ്ബറുടെ ആവശ്യപ്രകാരമാണ് പോലീസ് വീട്ടിനുള്ളില് പരിശോധന നടത്തിയത്. പരിശോധനയ്ക്കിടെയാണ് ഫ്രിഡ്ജില്നിന്ന് അസ്ഥികൂടവും തലയോട്ടിയും കണ്ടെത്തിയത്.
വൈകുന്നേരത്തോടെ സ്ഥലത്ത് ഇന്ക്വസ്റ്റ് നടപടികള് ആരംഭിച്ചു. സംഭവത്തില് വിശദമായ അന്വേഷണം നടത്തുമെന്ന് പോലീസ് പറഞ്ഞു.
