കോട്ടയം: ജില്ലാ ശിശുക്ഷേമസമിതിയുടെ ആഭിമുഖ്യത്തിൽ ക്ലിന്റ് സ്മാരക ജില്ലാതല ചിത്രരചനാമത്സരം ഡിസംബർ ഏഴിന് രാവിലെ 10 മണി മുതൽ 12 മണി വരെ ചങ്ങനാശേരി മോഡൽ ഹയർ സെക്കൻഡറി സ്കൂളിൽ(ചങ്ങനാശേരി റവന്യൂ ടവറിനു സമീപം) സംഘടിപ്പിക്കും. രജിസ്ട്രേഷൻ രാവിലെ ഒൻപതു മണിക്ക് ആരംഭിക്കും. പൊതു, പ്രത്യേകവിഭാഗങ്ങളിലായി(ഭിന്നശേഷി) 11 വിഭാഗങ്ങളിലായിരിക്കും മത്സരം.
പൊതുവിഭാഗത്തിൽ അഞ്ചുമുതൽ എട്ടു വയസുവരെയുള്ള കുട്ടികൾക്കും ഒൻപതു മുതൽ 12 വയസുവരെയുള്ള കുട്ടികൾക്കും 13 മുതൽ 16 വയസുവരെയുള്ള കുട്ടികൾക്കും മൂന്നു വിഭാഗങ്ങളിലാണു മത്സരം. പ്രത്യേക വിഭാഗത്തിൽ അഞ്ചു മുതൽ 10 വയസ് വരെയുള്ള കുട്ടികൾക്കും 11 മുതൽ 18 വയസുവരെയുള്ളവർക്കും രണ്ടു വിഭാഗങ്ങളിലാണ് മത്സരം. ഇവരിൽ ഒന്നിലധികം വൈകല്യമുള്ളവർ, മാനസിക വെല്ലുവിളി നേരിടുന്നവർ, കാഴ്ച വെല്ലുവിളി നേരിടുന്നവർ, സംസാരവും കേഴ്വിക്കുറവും നേരിടുന്നവർ എന്നീ ഉപവിഭാഗങ്ങളായി തിരിച്ചും മത്സരം നടത്തും. ജലഛായം, എണ്ണഛായം, പെൻസിൽ തുടങ്ങി എതു മാധ്യമവും മത്സരാർഥികൾക്ക് ഉപയോഗിക്കാം. ജില്ലാതല വിജയികൾക്ക് സർട്ടിഫിക്കറ്റും ഫലകവും നൽകും. ജില്ലയിൽ ആദ്യ അഞ്ചുസ്ഥാനത്തെത്തുന്നവരുടെ ചിത്രങ്ങൾ സംസ്ഥാനതല മത്സരത്തിൽ പരിഗണിക്കുന്നതാണ്. കൂടുതൽ വിവരങ്ങൾക്കു ബന്ധപ്പെടുക. ഫോൺ: 94472 47417, 94473 66800, 9447355195
