കാഠ്മണ്ഡു: 5 ഇന്ത്യക്കാരടക്കം 72 പേരുമായി യതി എയർലൈൻസിന്റെ കാഠ്മണ്ഡുവിൽ നിന്ന് പോയ എടിആർ-72 എന്ന യാത്രാവിമാനം നേപ്പാളിലെ പൊഖാറ വിമാനത്താവളത്തിൽ ഇറങ്ങുന്നതിന് 10 സെക്കൻഡ് മുമ്പ് തകർന്നുവീണു. 14 വിദേശ പൗരന്മാരും 4 ജീവനക്കാരുമടക്കം 72 പേരാണ് വിമാനത്തിൽ ഉണ്ടായിരുന്നത്.കഴിഞ്ഞ 30 വർഷത്തിനിടെ ഹിമാലയൻ രാജ്യത്തുണ്ടായ ഏറ്റവും വലിയ വിമാനാപകടമാണിത്. നേപ്പാളിൽ ഓരോ വർഷവും ശരാശരി ഒരു വിമാനാപകടം സംഭവിക്കുന്നു.
ഏറ്റവും
പുതിയത് ഉൾപ്പെടെ 2010 മുതൽ കുറഞ്ഞത് 11 വിമാനാപകടങ്ങളെങ്കിലും രാജ്യം കണ്ടിട്ടുണ്ട്.
യെതി എയർലൈൻസ് വിമാനാപകടത്തിന് മുമ്പ് നേപ്പാളിൽ കഴിഞ്ഞ വർഷം മെയ് 29 ന്, താര എയർ വിമാനം
മസ്താങ് ജില്ലയിൽ തകർന്ന് വിമാനത്തിലുണ്ടായിരുന്ന 22 പേരും മരിച്ചു.സിവിൽ ഏവിയേഷൻ അതോറിറ്റി ഓഫ് നേപ്പാൾ
പങ്കിട്ട വിവരമനുസരിച്ച് യെതി എയർലൈൻസിന്റെ AIR-72 വിമാനം കാഠ്മണ്ഡുവിൽ നിന്ന് പറന്നുയർന്ന ശേഷം പൊഖാറയിലെ
പഴയതും പുതിയതുമായ വിമാനത്താവളത്തിന് ഇടയിലുള്ള സേതി നദിയിലെ തോട്ടിൽ തകർന്നുവീണു.
