കോട്ടയം: ജൂലൈ 26ന് കോഴിക്കോട് നടന്ന കേരള സ്റ്റേറ്റ് പവർലിഫ്റ്റിങ് ചാംപ്യൻഷിപിൽ മണർകാട് ചെറുകുന്നേൽ വീട്ടിൽ നവോമി തോമസ് (ലൗലി) സ്വർണ്ണവും പാമ്പാടി വെള്ളൂർ (7-ാം മൈൽ) വടക്കേക്കര വീട്ടിൽ സുനിതാ ചെറിയാൻ വെള്ളിയും കോട്ടയം ജില്ലയ്ക്കായി നേടി.
കേരള സ്റ്റേറ്റ് പവർലിഫ്റ്റിങ് അസോസിയേഷനും കോഴിക്കോട് ജില്ലാ പവർലിഫ്റ്റിങ് അസോസിയേഷനും സംയുക്തമായി നടത്തിയ ചാംപ്യൻഷിപിൽ കോട്ടയം ജില്ലയ്ക്ക് അഭിമാനമായി വനിതാ വിഭാഗത്തിൽ തങ്ങളുടെ ആദ്യ സംസ്ഥാനതല മത്സരത്തിൽ തന്നെ സ്വർണ മെഡൽ നവോമി തോമസ് (ലൗലി)യും സുനിതാ ചെറിയാനും നേടി. ഇരുവരും കോട്ടയം കളത്തിപ്പടിയിലുള്ള സോളമൻസ് ജിമ്മിൽ ഉടമസ്ഥരും ഫിറ്റ്നസ് പരിശീലകരും ദേശീയ പവർലിഫ്റ്റിങ് ജേതാക്കളായ സോളമൻ തോമസിന്റെയും ക്രിസ്റ്റി സോളമന്റെയും പരിശീലനത്തിൽ ആണ് പവർലിഫ്റ്റിങ് മത്സരത്തിൽ പങ്കെടുത്തത് വിജയികളായത്. നവോമി തോമസ് (ലൗലി) അമയന്നൂർ ചൂരാനാനിക്കൽ വീട്ടിൽ പരേതരായ കെ.വി. ചാക്കോ, ശോശാമ്മ ചാക്കോയുടെ മകളും, മണർകാട് ചെറുകുന്നേൽ (കൺസ്ട്രക്ഷൻ ബിസിനസ്) തോമസ് സി കുര്യന്റെ ഭാര്യയുമാണ്. മക്കൾ: ഷെറിൻ (ചെന്നൈ), സൂസൻ (കാനഡ).
സുനിതാ ചെറിയാൻ വാഴൂർ പുളിക്കൽകവല (14-ാം മൈൽ) പുള്ളിയിൽ പരേതരായ മത്തായി ജോസഫ്, ശോശാമ്മ മത്തായി യുടെ മകളും. വെള്ളൂർ (7-ാം മൈൽ) നിതാ ഹോട്ടൽ ഉടമ വടക്കേക്കര പരേതനായ വി. എം. ചെറിയാൻ (തങ്കച്ചന്റെ) ഭാര്യയുമാണ്. മക്കൾ: നിതിൻ (യു.കെ), നിതാ (എറണാകുളം). കോഴിക്കോട് നടന്ന പവർലിഫ്റ്റിങ് മത്സരത്തിൽ വനിതകളിൽ കോട്ടയം ജില്ലയ്ക്ക് അഭിമാനമായി മെഡലുകൾ നേടിയത് ഇവർ രണ്ടുപേരും മാത്രം ആണ്.
