കഴിഞ്ഞ അഞ്ചുവർഷത്തിനിടെ അഞ്ചു നിയമസഭാ മണ്ഡലങ്ങളിലാണ് ഉപതെരഞ്ഞെടുപ്പ് നടത്തിയത്. 2022ല് മുതിർന്ന കോണ്ഗ്രസ് നേതാവ് പി.ടി തോമസിന്റെ നിര്യാണത്തെ തുടർന്ന് തൃക്കാക്കരയിലും 2023ല് മുൻ മുഖ്യമന്ത്രി ഉമ്മൻചാണ്ടിയുടെ നിര്യാണത്തെ തുടർന്ന് പുതുപ്പള്ളിയിലും ഉപതെരഞ്ഞെടുപ്പ് നടന്നു.
രണ്ടിടത്തും യു.ഡി.എഫ് വിജയിച്ചു. 2024ല് പാലക്കാട്, ചേലക്കര മണ്ഡലങ്ങളില് ഉപതെരഞ്ഞെടുപ്പ് നടന്നു. പാലക്കാട് ഷാഫി പറമ്പിലും ചേലക്കരയില് കെ.രാധാകൃഷ്ണനും ലോക്സഭയിലേക്ക് വിജയിച്ചതിനെ തുടർന്നാണ് ഉപതെരഞ്ഞെടുപ്പുണ്ടായത്. ഉപതെരഞ്ഞെടുപ്പില് പാലക്കാട് യു.ഡി.എഫും ചേലക്കര എല്.ഡി.എഫും നിലനിർത്തി. 2025ല് പി.വി അൻവർ രാജിവച്ചതിനെ തുടർന്ന് നിലമ്പൂർ മണ്ഡലത്തിലും ഉപതെരഞ്ഞെടുപ്പ് നടന്നു. യു.ഡി.എഫ് വിജയിച്ചു.
*ഒഴിഞ്ഞു കിടക്കുന്നത് മൂന്ന് സീറ്റുകള്*
കോടതിവിധിയെ തുടർന്ന് ആന്റണി രാജു അയോഗ്യനാക്കപ്പെട്ടതിനാല് തിരുവനന്തപുരം മണ്ഡലവും വാഴൂർ സോമന്റെ നിര്യാണത്തെ തുടർന്ന് പീരുമേട് മണ്ഡലവും കാനത്തില് ജമീലയുടെ നിര്യാണത്തെതുടർന്ന് കൊയിലാണ്ടി മണ്ഡലവും ഒഴിഞ്ഞുകിടക്കുന്നു
നിലവിലെ കക്ഷിനില
ആകെ സീറ്റ്: 140
എല്.ഡി.എഫ്: 95
യു.ഡി.എഫ്: 42
ഒഴിവ്: 03
*എല്.ഡി.എഫ്: 95*
സി.പി.എം: 65 (4 സ്വതന്ത്രർ ഉള്പ്പെടെ)
സി.പി.ഐ: 16
കേരള കോണ്ഗ്രസ്(എം):5
ജനതാദള്(എസ്): 2
എൻസിപി: 2
എല്.ജെ.ഡി: 1
കോണ്ഗ്രസ്(എസ്): 1
കേരള കോണ്ഗ്രസ് (ബി):1
ആർ.എസ്. പി (എല്): 1
ജനാധിപത്യ കേരള കോണ്ഗ്രസ്: 0
ഐ.എൻ.എല്: 1
*യു.ഡി.എഫ്: 42*
കോണ്ഗ്രസ്: 22
മുസ്ലിംലീഗ്: 15
കേരള കോണ്ഗ്രസ്: 2
കേരള കോണ്ഗ്രസ് (ജേക്കബ്): 1
എൻ.സി.കെ: 1
ആർ.എം.പി.ഐ:1
