കൊച്ചി: ആദായനികുതി വകുപ്പ് നടൻ മോഹൻലാലിൻ്റെ മൊഴിയെടുത്തു. ചില സാമ്പത്തിക കാര്യങ്ങളിൽ മോഹൻലാലിൽ നിന്ന് വ്യക്തത തേടിയെന്ന് ആദായനികുതി വൃത്തങ്ങൾ അറിയിച്ചു.രണ്ട് മാസം മുമ്പ് നടത്തിയ റെയ്ഡിൻ്റെ ഭാഗമായിട്ടാണ് ആദായനികുതി വകുപ്പ് മോഹൻലാലിൻ്റെ മൊഴി രേഖപ്പെടുത്തിയത്. വിദേശത്തെ സ്വത്ത് വകകളുടെയും സാമ്പത്തിക ഇടപാടുകളുടെയും വിശദാംശങ്ങൾ തേടിയിട്ടുണ്ട്. നേരത്തെ നിർമാതാവ് ആൻ്റണി പെരുമ്പാവൂരിൻ്റെ മൊഴി രേഖപ്പെടുത്തിയിരുന്നു. ഇതിൽ മോഹൻലാലുമായി ബന്ധപ്പെട്ട സാമ്പത്തിക ഇടപാടുകൾ കൂടി ഉണ്ടായിരുന്നു. ഇക്കാര്യത്തിലും മോഹൻലാലിൽ നിന്ന് വിശദീകരണം തേടിയിട്ടുണ്ട്.
