തൃശൂർ: കൊടുങ്ങല്ലൂർ പുല്ലൂറ്റ് ഉഴവത്ത് കടവിൽ നിന്നും പെട്ടി ഓട്ടോറിക്ഷ മോഷ്ടിച്ച കേസിൽ ചാലക്കുടി മുനിപ്പാറ സ്വദേശി നസീറിനെ പോലീസ് അറസ്റ്റ് ചെയ്തു. ഉഴുവത്ത് കടവ് സ്വദേശിയായ വടശ്ശേരി വീട്ടിൽ അരുണരാജൻ എന്നയാളുടെ ഉടമസ്ഥതയിലുള്ള പെട്ടി ഓട്ടോറിക്ഷയാണ് ഇയാൾ മോഷ്ടിച്ചത്.
മോഷ്ടിച്ച പെട്ടി ഓട്ടോറിക്ഷ പൊളിച്ച് വിൽക്കുന്നതിനായി തമിഴ്നാട്ടിലേക്ക് കൊണ്ട് പോകവെയാണ് ഇയാൾ പാലക്കാട് സൗത്ത് പോലീസിൻ്റെ പിടിയിലായത്. തുടർന്ന് പ്രതിയെ കൊടുങ്ങല്ലൂർ പോലീസിന് കൈമാറുകയായിരുന്നു. ഇൻസ്പെക്ടർ അരുൺ ബി കെ, ജൂനിയർ എസ് ഐ ജിജേഷ്, എസ് ഐ ബാബു, ജി.എസ്.സി.പി.ഒ ജിജിൻ ജെയിംസ് എന്നിവരാണ് അന്വേഷണ സംഘത്തിലുണ്ടായിരുന്നത്.
