പാലക്കാട്: ഒറ്റപ്പാലത്ത് ഡിവൈഎഫ്ഐ യൂണിറ്റ് പ്രസിഡൻ്റ് കൊല്ലപ്പെട്ടു. ഡിവൈഎഫ്ഐ ഒറ്റപ്പാലം പനയൂർ ഹെൽത്ത് സെൻ്റർ യൂണിറ്റ് പ്രസിഡൻ്റ് ശ്രീജിത്തിനെയാണ്(27) വെട്ടിക്കൊലപ്പെടുത്തിയത്. ഇന്നലെ രാത്രി 11 മണിയോടെയായിരുന്നു സംഭവം. തൊട്ടടുത്ത വീട്ടിലെ കുടുംബ വഴക്കിലിടപെട്ട ശ്രീജിത്തിനെ മദ്യലഹരിയിലായിരുന്ന ജയദേവൻ കുത്തികൊലപ്പെടുത്തുകയായിരുന്നു. പൊലീസ് പ്രതി ജയദേവനെ കസ്റ്റഡിയിലെടുത്തു. മൃതദേഹം പികെ ദാസ് മെഡിക്കൽ കോളജിൽ സൂക്ഷിച്ചിരിക്കുകയാണ്.
