ചിരഞ്ജീവി നായകനായി എത്തുന്ന ' സെയ്റ നരസിംഹ റെഡ്ഡി ' എന്ന ചിത്രത്തിന്റെ പുതിയ മലയാളം പോസ്റ്റര് പുറത്തിറങ്ങി. സ്വാതന്ത്യസമരസേനാനി നരസിംഹ റെഡ്ഡിയായിട്ടാണ് ചിരഞ്ജീവി ചിത്രത്തില് അഭിനയിക്കുന്നത്. സുരേന്ദര് റെഡ്ഡിയാണ് സെയ് റാ നരസിംഹ റെഡ്ഡി സംവിധാനം ചെയ്യുന്നത്. ചിത്രം ഇന്നലെ പ്രദര്ശനത്തിന് എത്തി. ചിത്രത്തിന് മികച്ച അഭിപ്രായമാണ് ലഭിക്കുന്നത്.
ചരിത്രസിനിമയായ സെയ്റ നരസിംഹ റെഡ്ഡിയില് ആക്ഷന് രംഗങ്ങള്ക്ക് വലിയ പ്രാധാന്യമാണ് ഉള്ളത്. റാം- ലക്ഷ്മണ്, ഗ്രേഗ് പവല് തുടങ്ങിയവരാണ് ആക്ഷന് രംഗങ്ങള് കൊറിയോഗ്രാഫി ചെയ്യുന്നത്. സെയ് റാ നരസിംഹ റെഡ്ഡിയില് ചിരഞ്ജീവിയുടെ ഗുരുവായി അഭിനയിക്കുന്നത് അമിതാഭ് ബച്ചനാണ്. നയന്താരയാണ് ചിത്രത്തിലെ നായിക. തമന്ന, വിജയ് സേതുപതി, കിച്ച സുധീപ് എന്നിവരും ചിത്രത്തില് അഭിനയിക്കുന്നുണ്ട്.