ചര്‍മ്മാരോഗ്യം മുതല്‍ മിക്ക ആരോഗ്യ പ്രശ്നങ്ങള്‍ക്കുമുള്ള പ്രതിവിധിയാണ് പപ്പായ. വൈറ്റമിനുകളുടേയും ധാതുക്കളുടേയും നാരുകളുടെയും കലവറയാണ് പപ്പായ. ഇതില്‍ വൈറ്റമിന്‍ സിയും എയും ബിയും ധാരാളമടങ്ങിയിട്ടുമുണ്ട്. പപ്പായയുടെ ഗുണങ്ങളെ കുറിച്ച് മിക്കവര്‍ക്കും അറിയില്ലെന്നതാണ് വാസ്തവം.
പ്രതിരോധശേഷി വര്‍ദ്ധിപ്പിക്കാന്‍ ഏറ്റവും നല്ലതാണ് പപ്പായ. പപ്പായയിലെ ആന്‍ഡിഓക്സിഡന്റ് ചര്‍മത്തിലെ ചുളിവുകളേയും പ്രായമാകുന്നതിന്റെ ലക്ഷണങ്ങളെയും പ്രതിരോധിക്കും. നേത്രാരോഗ്യത്തിനും പപ്പായ ദിവസവും കഴിക്കുന്നത് ഉത്തമമാണ്. പ്രമേഹ രോഗികള്‍ക്കും നിയന്ത്രിത അളവില്‍ പപ്പായ കഴിക്കാം. കൂടാതെ ഹൃദയാരോഗ്യം സംരക്ഷിക്കുന്നതിനും ശ്വാസകോശ സംബന്ധമായ അസുഖങ്ങള്‍ നിയന്ത്രിക്കുന്നതിനും പപ്പായ കഴിക്കുന്നത് ഗുണം ചെയ്യും.
ചര്‍മ്മത്തിന്റെ ആരോഗ്യത്തിനും സൗന്ദര്യത്തിനും ആവശ്യമായ വൈറ്റമിന്‍ എ പപ്പായയില്‍ ധാരാളമുണ്ട്. ആര്‍ത്തവം ക്രമത്തിലല്ലാത്ത സ്ത്രീകള്‍ പച്ചപപ്പായ ഒരാഴ്ച്ച തുടര്‍ച്ചയായി ഉപയോഗിച്ചാല്‍ ആര്‍ത്തവം ക്രമത്തിലാകും.
