ആര്‍ത്തവ സമയത്ത് മിക്ക പെണ്‍കുട്ടികള്‍ക്കും ഉണ്ടാകാറുള്ള പ്രശ്നമാണ് വയറ് വേദന. വയറ് വേദന മാത്രമല്ല നടുവേദനയും തലക്കറക്കവും ചിലര്‍ക്ക് ഉണ്ടാകാറുണ്ട്. ആര്‍ത്തവ സമയത്തെ വയറ് വേദന കുറയ്ക്കാന് വീട്ടില്‍ തന്നെ പരീക്ഷിക്കാവുന്ന ചില മാര്‍ഗങ്ങള്‍ ഏതൊക്കെയാണെന്ന് നോക്കാം..
അടിവയറ്റില്‍ ചൂട് പിടിക്കാം…
ആര്‍ത്തവ സമയത്ത് വയറ് വേദന അകറ്റാന്‍ ഏറ്റവും നല്ല മാര്‍ഗമാണ് ചൂട് പിടിക്കുക എന്നത്. ചെറുചൂടുവെള്ളത്തില്‍ ഒരു തോര്‍ത്തോ അല്ലെങ്കില്‍ കോട്ടണ്‍ തുണിയോ ഉപയോഗിച്ച് അടിവയറ്റില്‍ ചൂട് പിടിക്കുന്നത് വയറ് വേദന കുറയ്ക്കാന് സഹായിക്കും. 15 മിനിറ്റെങ്കിലും ചൂട് പിടിക്കാന്‍ ശ്രമിക്കുക.
ഇഞ്ചി വെള്ളം…
വീട്ടില്‍ ഇഞ്ചി ഉണ്ടാകുമല്ലോ. അല്‍പം ചൂടുവെള്ളത്തില്‍ ഇഞ്ചിയിട്ട് കുടിച്ചാല്‍ വയറ് വേദന അകറ്റാനാകും. അമിത രക്തസ്രാവം നിയന്ത്രിക്കാനും ഇഞ്ചി നല്ലതാണ്. ഇഞ്ചി വെള്ളം ദഹനം സംബന്ധമായ പ്രശ്നങ്ങള്‍ ഇല്ലാതാക്കാനും ഏറെ നല്ലതാണ്. ഇഞ്ചിയിട്ട വെള്ളം മാത്രമല്ല തുളസിയിട്ട വെളളം/ചായ, പുതിനയില ഇട്ട വെളളം അല്ലെങ്കില്‍ ചായ തുടങ്ങിയവ ആര്‍ത്തവവേദനകള്‍ കുറയ്ക്കാന് നല്ലതാണ്.
ചൂടുപാലില്‍ നെയ്യ് ചേര്ത്ത് കഴിക്കാം…
ചൂടുപാലില്‍ നെയ്യ് ചേര്ത്ത് കഴിക്കുന്നത് ആര്‍ത്തവ അസ്വസ്ഥതകള്‍ ഒഴിവാക്കാന്‍ സഹായിക്കും. രാവിലെ ഒരു ഗ്ലാസ്സ്‌ പാല്‍ കുടിക്കുന്നത് വേദന കുറയാന്‍ സഹായിക്കും. വിറ്റാമിന്‍ ഡി അടങ്ങിയ ഭക്ഷണങ്ങള്‍ ധാരാളം കഴിക്കുന്നത് നടുവേദന, വയറ് വേദന എന്നിവ അകറ്റാന്‍ സഹായിക്കും.
പപ്പായ വയറ് വേദന അകറ്റും.
ആര്‍ത്തവത്തിന്‌ മുമ്ബായി പപ്പായ ധാരാളം കഴിക്കുക. പപ്പായയില്‍ അടങ്ങിയിട്ടുള്ള പപ്പൈന്‍ എന്ന എന്‍സൈം ആര്‍ത്തവകാലത്തെ വേദന കുറയ്ക്കാന് ഫലപ്രദമാണ്‌. ആര്‍ത്തവ സമയത്തെ രക്തം ഒഴുക്ക് എളുപ്പത്തിലാക്കാന്‍ ഇത് സഹായിക്കും.
കറുവപ്പട്ട വെള്ളം…
വയറ് വേദന കുറയ്ക്കാന് ഏറ്റവും നല്ലതാണ് കറുവപ്പട്ട വെള്ളം. അമിതരക്തസ്രാവം നിയന്ത്രിക്കാനും ക്ഷീണം അകറ്റാനും കറുവപ്പട്ടയ്ക്ക് കഴിവുണ്ട്. ദിവസവും മൂന്ന് കപ്പ് കറുവപ്പട്ട വെള്ളം കുടിക്കുന്നത് മൂത്രത്തിലെ അണുബാധ അകറ്റാന്‍ സഹായിക്കും.
വിറ്റാമിന്‍ ഡി അടങ്ങിയ ഭക്ഷണങ്ങള്‍
തെെര്, ഓറഞ്ച് ജ്യൂസ്, പയറ് വര്‍ഗങ്ങള്‍, ചീസ്, മുട്ടയുടെ വെള്ള ഈ ഭക്ഷണങ്ങള്‍ ആര്‍ത്തവസമയത്തെ വയറ് വേദന അകറ്റാന്‍ വളരെ നല്ലതെന്നാണ് വിദഗ്ധര്‍ പറയുന്നത്.
തേനില്‍ കറ്റാര്‍വാഴ നീര്‌ ചേര്ത്ത് കഴിക്കാം…
ഒരു സ്‌പൂണ്‍ തേനില്‍ കറ്റാര്‍ വാഴ നീര്‌ ചേര്ത്ത് കഴിക്കുന്നത് ആര്‍ത്തവ കാലത്തെ വേദന കുറയ്ക്കാന് സഹായിക്കും.ആന്റിഓക്സിഡന്റ് ധാരാളം അടങ്ങിയ തേനില്‍ ശരീരത്തിലെ വിഷാംശം പുറംന്തള്ളാനുള്ള കഴിവുണ്ടെന്ന് വിദഗ്ധര്‍ പറയുന്നു. പ്രതിരോധശേഷി കൂട്ടാനും ഏറ്റവും നല്ലൊരു മരുന്നാണ് തേന്‍.
