തൃശൂര്: യു.ഡി.എഫ് കണ്വീനറും ചാലക്കുടിയിലെ യുഡിഎഫ് സ്ഥാനാര്ത്ഥിയുമായ ബെന്നി ബെഹനാനെ ഹൃദയാഘാതത്തെ തുടര്ന്ന് ആശുപത്രിയില് പ്രവേശിപ്പിച്ചു. ഇന്ന് പുലര്ച്ചെ 3.30 ഒടെയാണ് അദ്ദേഹത്തെ കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചത്.
പുലര്ച്ചെ തിരഞ്ഞെടുപ്പ് പ്രചാരണ പരിപാടികള്ക്കായി പുറപ്പെട്ടപ്പോഴാണ് നെഞ്ചുവേദന അനുഭവപ്പെട്ടത്. ഉടന് തന്നെ അദ്ദേഹത്തെ അടുത്തുള്ള ആശുപത്രിയില് എത്തിക്കുകയായിരുന്നു. തുടര്ന്ന് അദ്ദേഹത്തെ ആന്ജിയോപ്ലാസ്റ്റി സര്ജറിക്ക് വിധേയനാക്കിയ ശേഷം 48 മണിക്കൂര് നിരീക്ഷണത്തിനായി അദ്ദേഹത്തെ ഐ.സി.യു വില് പ്രവേശിപ്പിച്ചിരിക്കുകയാണ്. ബെന്നി ബെഹനാന് അപകടനില തരണം ചെയ്തതായി ആശുപത്രി അധികൃതര് അറിയിച്ചു.