സുരഭി എസ്സ് നായര്‍
ആവശ്യമായവ
1. ചിക്കന്‍ - 1 കിലോ
2. കുരുമുളക്‌പൊടി - 2 1/4 ടേബിള്‍സ്പൂണ്‍
3. നാരങ്ങാനീര് - 1 ടേബിള്‍സ്പൂണ്‍
4. സവാള - 3 എണ്ണം
5. തക്കാളി - 1 എണ്ണം
6. ഇഞ്ചി - 2 ഇഞ്ച് കഷ്ണം
7. വെളുത്തുള്ളി - 6 അല്ലി
8. കറിവേപ്പില - 2 ഇതള്‍
9. മല്ലിപ്പൊടി - 1 ടേബിള്‍ സ്പൂണ്‍
10. മഞ്ഞള്‍പ്പൊടി - 1/2ടീസ്പൂണ്‍
11. ഗരംമസാല - 1 സ്പൂണ്‍
12. വെളിച്ചെണ്ണ - 3 ടേബിള്‍സ്പൂണ്‍
13. വെള്ളം - 1/2കപ്പ്
14. ഉപ്പ് - ആവശ്യത്തിന്
തയ്യാറാക്കുന്ന വിധം
1. കോഴിയിറച്ചി ഇടത്തരം വലുപ്പത്തില്‍ കഷ്ണങ്ങളാക്കിയ ശേഷം കഴുകി വൃത്തിയാക്കുക
2. കുരുമുളക്‌പൊടി (2 ടേബിള്‍സ്പൂണ്‍), മഞ്ഞള്‍പ്പൊടി(1/2), നാരങ്ങാനീര്, ഉപ്പ് എന്നിവ നന്നായി യോജിപ്പിച്ച് കോഴിയിറച്ചിയില്‍ എന്നിവ നന്നായി യോജിപ്പിച്ച് കോഴിയിറച്ചിയില്‍ പുരട്ടി കുറഞ്ഞത് 1/2 മണിക്കൂര്‍ വെയ്ക്കുക.
3. സവാള, തക്കാളി, ഇഞ്ചി, വെളുത്തുള്ളി എന്നിവ ചെറുതായി അരിയുക.
4. പാനില്‍ 3 ടേബിള്‍സ്പൂണ്‍ എണ്ണ ചൂടാക്കി വെളുത്തുള്ളി, ഇഞ്ചി, സവാള, ഉപ്പ് എന്നിവ ഓരോന്നായി ചേര്‍ത്ത് മീഡിയം തീയില്‍ വഴറ്റുക.
5. ഇവ ഗോള്‍ഡന്‍ നിറമാകുമ്പോള്‍ തീ കുറച്ച് മല്ലിപ്പൊടിയും ഗരംമസാലയും ചേര്‍ത്ത് 1 മിനിറ്റ് ഇളക്കുക.
6. ഇതിലേയ്ക്ക് കോഴിയിറച്ചി , കറിവേപ്പില, തക്കാളി എന്നിവ ചേര്‍ത്ത് 5 മിനിറ്റ് നേരം നല്ല രീതിയില്‍ ഇടവിട്ട് ഇളക്കുക. പിന്നീട് 1/2 കപ്പ് വെള്ളം ചേര്‍ത്ത് അടച്ച് വച്ച് വേവിക്കുക.
7. വെന്തതിനുശേഷം അല്പനേരം അടപ്പ് തുറന്ന് വച്ച് ഗ്രേവി കുറുകുന്നവരെ ഇടവിട്ട് ഇളക്കുക.
8. ഇതിലേക്ക് 1/4 ടേബിള്‍സ്പൂണ്‍ കുരുമുളക്‌പൊടി ചേര്‍ത്ത് യോജിപ്പിച്ച് തീ അണയ്ക്കുക.
