കൊച്ചി: കേരളത്തില് സ്വര്ണ വില ഇന്നും കൂടി. പവന് 160 രൂപയാണ് വര്ധിച്ചത്. വെള്ളി, ശനി ദിവസങ്ങളിലും ആഭ്യന്തര വിപണിയില് വില ഉയര്ന്നിരുന്നു. നാല് ദിവസത്തിനിടെ പവന് 360 രൂപയുടെ വര്ധനയാണ് ഉണ്ടായിരിക്കുന്നത്. 23,840 രൂപയാണ് പവന്റെ ഇന്നത്തെ വില. ഗ്രാമിന് 20 രൂപ വര്ധിച്ച് 2,980 രൂപയിലാണ് വ്യാപാരം പുരോഗമിക്കുന്നത്. ഏപ്രില് മാസത്തിലെ ഏറ്റവും ഉയര്ന്ന നിരക്കാണിത്. ഒരു ട്രോയ് ഔണ്സ് സ്വര്ണത്തിന് (31.1 ഗ്രാം) 1,297.29 ഡോളറാണ് ഇന്നത്തെ നിരക്ക്.