കോട്ടയം:വിശ്വാസം, മനുഷ്യബന്ധങ്ങൾ, സാമൂഹ്യനീതി, ജനാധിപത്യ മൂല്യങ്ങൾ, സമകാലിക സാമൂഹിക-രാഷ്ട്രീയ സാഹചര്യങ്ങൾ എന്നിവയെ ആസ്പദമാക്കി സഭാവേദികളിൽ വി.ഡി. സതീശൻ നടത്തിയ പ്രഭാഷണങ്ങളാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്. ആത്മീയ ചിന്തയും സാമൂഹിക ബോധവും കൂട്ടിചേർന്ന അദ്ദേഹത്തിന്റെ പ്രസംഗങ്ങൾ വായനക്കാർക്ക് പുതിയ ചിന്തകൾക്ക് വഴിയൊരുക്കുന്നതാണെന്ന് വിലയിരുത്തപ്പെടുന്നു.
സഭാ വേദികളിൽ അവതരിപ്പിച്ച സന്ദേശങ്ങൾ പൊതുസമൂഹത്തോടും സംവദിക്കുന്ന രീതിയിലുള്ളതായതിനാൽ, പ്രസംഗങ്ങളുടെ ലിഖിതരൂപം സമകാലിക ചിന്തയുടെ രേഖപ്പെടുത്തലായി ഈ സമാഹാരം മാറുന്നുവെന്ന് നിരീക്ഷകർ അഭിപ്രായപ്പെടുന്നു.
പുസ്തകവുമായി ബന്ധപ്പെട്ട് പൊതുചടങ്ങുകൾ ഇല്ലാത്ത സാഹചര്യത്തിലും, പ്രസംഗങ്ങളുടെ ഉള്ളടക്കമാണ് ഇപ്പോൾ വായനക്കാർക്കിടയിൽ കൂടുതൽ ചര്ച്ചയാകുന്നത്.
